Euro 2020: Pas kualifikimit, Mancini paralajmëron kundërshtaret: Do të jemi edhe më të mirë

Italia ka një rekord 100% të fitoreve në kualifikueset e Euro 2020, pas fitore së shënuar sonte kundër Greqisë, fitore kjo që i siguroi kualifikimin tutje.

Në shtatë ndeshje të luajtura, skuadra e Mancini ka shënuar shtatë fitore, për të grumbulluar 21 pikë që i mjaftojnë për të kaluar tutje.

Mancini premton se skuadra e tij do të jetë edhe më e mirë në finalet e Kampionatit Evropianit.

“Djemtë bën shumë mirë. Së pari, dua të falënderoj tifozët për përkrahjen. Ne donim të dedikonim fitoren për fëmijët që janë në spital” ka thënë trajneri për ‘Rai Sport’, pas fitores ndaj Greqisë, transmeton lajmi.net.

“Ishte një ndjenjë shumë e mirë sonte në ‘Olimpico’, por shpresoj se do të jemi edhe më të mirë në të ardhmen” shtoi ndër të tjerash selektori italian.

Kjo ishte fitorja e tetë me radhë për Mancinin, nën urdhrat e kombëtares së Italisë. /Lajmi.net/

Të tjera nga Kategoria